Palagay nga.

Sa palagay ko, hindi ako mapalagay. Palagay ko lang ha, tulad ng palagay ko na imposible ang nakaparagang hubo, kaya nagiging negatibo ang resulta ng mga pinaggagagawa ng mga Pinoy ay dahil sa mga hebigat na drama na mapapanuod sa t.v. Malay mo kaya pala sinaksak ng kapit-bahay ko 'yung manugang n'ya kasi hindi n'ya matanggap na nabaliw na si rosalinda. Mas mainam pang manuod ng anime kaysa manuod ng mga drama na hinango kuno sa realidad, pero sa ngayon, hindi na uso ang madrastang magsusubsob sayo sa kubeta. Wala na sigurong step sister ang mang aagaw ng Jowa. Nakanangpotek. Palagay ko ang mga writer ng teledrama ngayon ay magkakamag-anak. Pareparehas lang ang kwento nila eh, naiba lang ang pangalan at lugar pero ang twist at daloy ng storya ay magkahugis.
Parang nakakatawa ng konti tulad ng ideya na nagbabayad ang iba para sa isang mahal na kapeng itatae mo rin naman. Sabagay entertainment value naman ang pinag uusapan, basta nahihipnotismo ka sa bakit-bakit na make-up ng bida eh matatawag nang patok ang drama, 'yung tipong magiging zombie ka sa harap ng t.v. tulad ng pagkahumaling natin sa laruang text at pog. Basta nahuhumaling ka sa kapapanuod- hindi na usap kung natawa ka, gumaan ang loob o nasira ang araw mo pagkatapos ang isang oras na panunuod, okey na 'yun. O kaya sobra sa hanep ang kasiguraduhan na papatok ang drama pag sikat ang artista, hindi na issue kung marunong itong magpapatak ng luha nang hindi tatama sa nunal sa ilong.

malamang napansin n'yu na ito:
1. Ang bida ay isang mahirap - kapartner n'ya ay isang mayaman na may ari ng isang acienda.

2. Step mother, step sister , dating kaibigan, kalaban sa pagandahan/patalinuhan sa iskul, nanay ng kasintahan - mga common kontrabida.

3. Kung hindi naman ka ano-ano ng bida ang kontrabida, may isang expected twist sa istorya- nawawalang kapatid niya ito. So magkapatid sila sa ama/ina na nagkahiwalay dahil sa sunog/bagyo/paglubog ng barko. Mas malala - magkakambal sila - hindi mo mawari kung paano nangyari iyon dahil saan mang anggulo ay magkaiba sila.

4. Ang babaeng bida ay ang childhood sweetheart ng lalaking bida. Dati silang magkapitbahay at magkalaro pero dahil yumaman na ang isa sa kanila, kailangan na nitong pumunta sa amerika ,hindi sa Saudi, hindi sa Canada, sa america lang talaga.

5. Syempre bago maghiwalay ang mag childhood sweetheart, may ibibigay ang lalaking bida sa babaeng bida- isang bracelet/kwintas/agimat/kutsilyo/toothpick.

6. May suisidal tendencies ang kontrabidang babae.

7. Ayaw ng magulang ng mayamang bida na makatuluyan nito ang love team nitong mahirap lamang. Aalukin ng pera ang huli para layuan ang anak nila.

8. Mag kukunwaring nabuntis ng bidang lalaki ang kontrabidang babae para lamang pakasalan ito- determination and obsession.

9. Ang nakabuntis sa kontrabidang babae ay isang hoodlum na mahilig magpunas ng baril at may kotseng itim na gagawin ang lahat para lamang sa kontrabidang babae, kasama na doon ang pagkidnap sa bidang babae at ilulublob ito sa isang drum ng tubig habang tumatawa ito at naninigarilyo.

10. Kung nagkataong parehas buntis ang bidang babae at kontrabidang babae, gagawin ng kontrabidang babae ang lahat ng kabaliw-baliw na paraan para lamang na maipalaglag ang dinadala ng una kasama na ang paglalagay ng holen sa hagdanan ng bahay ng babae.

11. Kung hindi natuloy ang plano at nanganak ang bida, ipapakidnap na lamang nito ang anak ng bida, syempre sa boypren nitong hoodlum na nabanggit sa number 9.

13. Aso't pusa ang drama ng dalawang bida sa umpisa pero magkikikire rin naman sa dulo. Kung paano sila nagkadebelopan, ganito 'yun: Nadulas kasi 'yung tangang bidang babae na obvious sa camera na sadya iyon at sasapuhin naman ito ng bidang lalake- tapos titigil ang paligid at magkukulay pula ang ulap. Hanep! slow-motion ang lahat- pero may loop-hole- yung nagbebenta ng fishball sa likod nila eh tuloy lang sa trabaho - palagay ko dapat islow motion din s'ya.

14. May bobang sidekick ang bidang babae na makakaparehas ng bestfriend ng bidang lalaki.

15. Laging may isang Bff na naka tango sa mga plano ng kontrabida. Lagi silang umiinom ng isang kopitang alak, halata namang pop colang may tubig lang iyun. Ito ang nagsisilbing researcher ng kontrabida tungkol sa favorite color at motto ng bidang lalaki.

16. Magiging marahas ang ending. Sasagipin ng bidang lalaki ang bidang babae dahil nga iginapos ito ng kontrabida. Magiging baliw ang kontrabida sa bandang huli.

17. Sasaksakin ng kontrabida ang babae sa ending - yung parang hostage drama ang effect. Kung hindi saksak, edi baril.

18. Mag aagawan sa baril/kutsilyo ang kontrabida sa ingkwentro nila. Syempre habang magkadikit sila biglang may puputok na hindi naman sakto sa pagkatulala nilang parehas tapos " itutuloy sa lunes......"

19. Syempre ang panghuli- ang pinaka huli- darating ang pulis. Hindi ko na matandaan kung sino ang nabaril.

Wala lang ako mapagtripan kaya naisulat ko ito.. hindi ko lang kasi matanggap na hindi makilalang si darna ay si narda na nilagyan lang ng pakpak sa noo at kapa sa panty.

Palatastas- pwe haha (paunawa.. wag nang pansinin)

I think he's gay but no he's not.
He loves playing guitar and i doubt if he can sing.
But yes he can SING.
He's smart but oftentimes he's weird.
He is a pervert.
He is a retard.
But still, he's damn funny.
He reminds me of Goku and Naruto reminds me of him.
He's not small,
he's just ain't taller.
But yes, he's small.
He loves his mom and his mom loves to cook.
So blame his mom 'cause he loves to eat.
He's lazy.
He is a racist.
He said everybody is a racist in some way.
I guess he's a racist.
And I think he's not gay.
I'm not sure.
I guess so. :P


BABALA: hindi n'yo sya maiintindihan dahil sya lang nakakaintindi sa sarili niya :))





now, forget about the video. I know what's goin on your mind. This guy is sick. Kailangan niya ng exposure, sorry sa abala :))

blah blah. Happy beerday bro. Happy na birthday pa.








* ang taong ito ay wanted sa Malaysia at pinaghahanap ng pulisya sa kasong panggagahasa ng mga babaeng may edad na at isa siyang certified pedophile. May patong na $ 200,000 ang kanyang ulo. Syempre Joke ko lamang iyon. Pero totoo. Kapatid ko 'yan. Step brother. kaya inaapak apakan ko lang s'ya :)). Hindi siya marunong magtagalog kaya hindi niya ito gaanong naiintindihan. Buti na lang. Pero hindi ko s'ya totoong kapatid "))

bakit hindi dapat maglinis ng kwarto

Noong huwebes, isang okasyon na halos minsanan lang sa isang taon maganap, naglinis ako ng kwarto. Hehe. Totoo, minsanan lang pero lahat ng sulok siguradong malinis. Ganun kasi ako. mas ok nang ipunin ‘yung kalat para isang linis na lang hehe. At may sampung bagay akong nakita na nakapagpangiti/nakapagpalungkot sa akin.

1. Test paper ko noong 2nd year college sa DBMS(subject na Malabo pa sa imburnal). Ang skor?
-26/150. Ayos nga iyon eh. Iyun na ata ang pinakamababa kong iskor sa exam. Adik kasi ‘yung teacher ko. SUPER hirap ng exam ‘yung tipong kinuha sa singit ng aklat at imposibleng exam talaga ‘yun. Saan ka nakakitang multiplechoice pero dapat palang isulat ‘yung answer. Jusmio pulgoso simula noong naging tao ako ang alam ko sa multiple choice eh choice ang isusulat. Anyways... nakapasa naman ako sa subject.

2. Nakita ko rin’yung mga dating drawing ko. May anime, may sketch ng tao, may abstract, may hindi tapos. Nakita ko ring ‘yung mga drawing ko noong bata pa ako sa art class ko dati. Dati sabi ng teacher ko ang husay ko daw at laging mataas grade ko pero ngayon ko lang napagtanto na ‘yung drawing kong mukhang pusit eh parol pala iyon. Hindi ko maamoy ang simoy ng pasko. Hehe.

3.Nakita ko ‘yung regalo sa akin noong graduation ko noong high school ng kapatid ng nanay ko. Isang sleeveless na neon green. Natawa ako kasi mukha akong traffic light pag suot ko ‘yun at isa pa hindi ko iyon isusuot. Ang alam ko eh itinago ko na lang para remembrance.

4. Nakita ko ‘yung ginawa kong regalo sa mga klasmeyt ko noong bago mag graduation noong high school. BATO. Seryoso. Hailed most creative ‘yung gawa ko. BATO haha. Pininturahan ko ito ng pink at nilagyan ng kakaibang design tapos ibinalot ko na parang pang give away sa kasal. Nakakalungkot talaga pag naiisip ko ang high school. Marami akong masasayang memories doon.

5. bigla na lang lumitaw ‘yung application form ko sa UP at TUP. Nakakalungkot lang kasi gusto ko sanang maging architect o mag philosophy o kahit alin sa mga frustrations ko. Eh hindi na ako nakakuha kasi tinamad ako magpasa at isa pa ayaw ako pag aralin sa manila kasi magulo daw doon. Sabi ko hindi naman basilan ‘yun ah. Unti-unti ko na rin naman nagugustuhan kung ano course ko ngayon.

6. ‘yung mga sulat ng mga klasmeyt ko sa akin dati naitabi ko rin pala... sa ilalim ng kama ko hehe.. nakakatuwa lang ‘yung mga pinagsasabi nila. Parang ang corny pero tagos sa puso.

7. ‘yung kauna unahang pinagbabawal na cd sa kabataan. Isang makamundong anime na pinahiram sa akin ng klasmeyt ko dati. Hehe. Dala lang ng curiosity kaya pinagtripan ng buong barkada. Natatandaan ko muntik pa kaming mahuli noong nanay ng kaibigan ko. nagtago kami sa closet tapos ipinahid ko sa palda doon ‘yung chichiryang kinakain ko tapos nakita ko suot ng nanay n’ya yung palda noong recognition day. Haha. Ang title ay secret ^^ tapos noon wala na.. wala rin kasing kwenta nakakadiri lang.


8. nakita ko rin ang walang kamatayang project noong high school, ang book of life. Napansin ko mali pa ‘yung grammar ng teacher ko sa comment na ibinigay n’ya sa akin. “good work. Next time lessen colors of the your work.” Siguro bangag si maam noon o kaiinum lang kaya ‘yun ang kinomment nya..
9. ‘yung taperecorder ko na may laman pang bala. Ipinlay ko. natawa lang ako sa narinig ko kasi ito ‘yung time na nirerecord ko ang mga boses namin noong nag group review kami. ‘yun lang ang ginawa ko hindi ako nagreview kasi nga aliw na aliw ako sa mga pinabilis na boses na parang chipmunk.

10. ‘yung picture ko noong high school. Mahaba pa ang buhok ko noon. Dyahe naman. Nakakapanghinayang. Kailangan ko kasing putulin ang buhok ko kasi mainit ang panahon. Di bale pag nagtrabaho ako sa north pole magpapahaba na akong buhok.


Ang dami pang bagay na nakita ko. may naalala at may nakalimutan na. Nag iba ang tingin ko sa mga dating basura sa ilalim ng kama ko. Mahahalaga pala ang mga ito. Kaya pala ganoon na lang ang tutol ng nanay ko na wag itapos ang collection n’ya ng garapon ng ladies choice at kutsara ng Jollibee kasi tulad ng mga ito na mukhang basura... may halaga rin pala..



Video ng kwarto by sugar free.

lalim